দ্বীপৰাজ
ধন্যবাদ! এইখিনিতে শেষ হওক ! ৰসতে নামষাৰ থ’লে গাজি-মগুৰ
সোৱাদো বাঢ়িব।
সোতোৰা ফুল, খৰাং,
শিলে ঠেকেচা টিংপাতৰ ফুটাটো, টকৌপাতে
কটা পূৰ্ণিমাৰ পোহৰ
ইয়াৰ পাছত সমাপ্ত ।
ধুমুহাত উভলি পৰা
বসন্তৰ শেষৰজোপা এজাৰ এয়া ।
পায়খানাত সোমাওঁতে
ইটাৰ বেৰ খহি পৰা দৃশ্য ইয়াৰ পাছত আৰু
নাথাকে!
কবিতাৰ নামত আটাইতকৈ
বেয়া কবিতাটো, ফুটা পাইপৰ পানীত
মহানগৰীৰ জাম, ৰিক্সাৰ
চকা চদকা খোৱা আজিতেই শেষ ।
যদি লাগে বজাৰত একুৰা
জুই কি কৰিম আতা?
-
ছাইখিনেৰে চৰু মাজিবি
ঘটে যদি আজিতে দুৰ্ঘটনাবোৰ
কি হ’ব আবু ?
-
তেজ মচি গছ ৰুবি
বুকুৰ বৈণী বোলো
শুনিছা – হাতৰ বুঢ়া আঙুলিটোতে বাটৰুৱাৰ
দেমাকি। নেঠু কিনিবলে
ৰাতাৰাতি পঞ্চায়তত ভিৰ । গুৰুপাকী
চাহকাপ আজি বোলে
অফাৰৰ আশীৰ্বাদ ...
তাকে দেখি খেনোই
ফোন পে’ৰ স্কেনাৰক মুখ বিকটাই দিছে। আজি
ভালুক বধি এক চিলিমত
শিৱ বাবাক বৰ আঁহতৰ তলত শুৱাই দিম
দায়-দোষ এৰিবা ৰাইজ
৷ খৰিকাৰে এতিয়া দাঁতত লাগি থকা মঙহৰ
গুৰি ঘুকুটিয়াম৷
চিকা গোন্ধ মুখত লৈ চুমা যাচিলে ৰাতিবোৰে
ফেউৰা৷ পচতীয়াৰ
ঠানিৰে দীত মাজিবলৈ গৈ অক্সিজেন বিৰোধী
মই হ’ব নোৱাৰোঁ ।
এঙাৰ বিচাৰি গৈ চুই
দিওগে’ যদি বাৰদিনীয়া চুৱা?
তেতিয়াটো গোৱৰৰ
দাম ইমান বাঢ়িব ইমান বাঢ়িব
লাগিলে চুৱা পাতনিৰেই কাঠি-ঘৰ মছি আনা গোৱৰ নহ’লে চব
নেচেল !!
