ৰিপুঞ্জয় বৰুৱা ঋমন
পাৰাস্তম্ভ ১০০
বিষে কোঙা বাওঁ খোপনি
কুট্কুটনি কামোৰণি
ঠাণ্ডাত বেছি আমনি ।
জীৱ যাবলৈ ধৰা
বেচেৰা কোষবোৰে ছটফটাইছে ।
যিদৰে ছটফটাই চকাই চেপি মৰা কুকুৰ !
সিহঁতৰ দুখ নিজ চকুৰে দেখিছোঁ
মৃত্যুৰ ঠেঙুলিত পৰ দি মূৰ্-ঘূৰণি
শুব পৰা নাই
পৰাজিত, দুচকুৰ মৰটোপনি ।
টোপ টোপ টোপ
বাথৰূমত ৰুগীয়া টেপটোৰ সৰিছে চকুলো ।
জড়,
তথাপি বৰ তপত
চুই চালোঁ সেয়া দেখোন মোৰেই !
খিৰিকীৰে জুমি চাওঁ
বৰষুণে পেডেল মৰা পথত নিজানে নখ কামুৰিছে
।
নগৰখন সাইলাখ খাচী ছোৱালীজনী
পাইন গছৰ তলত এজন সোণাৰীৰ সমাধি
সেয়ে আন্ধাৰতো ইমান চিকমিকনি ।
বুজিবলৈ কঠিন কবৰৰ বুৰঞ্জী
এই ৰ'দ
এই বৃষ্টি
এই ভোক
এই ভোগ
আয়ে কৈছিল
দেখাত দেউতাৰৰ দৰেই তই
সেয়ে বাটে ঘাটে এই আত্মপ্ৰত্যয় ।
***
ঠিকনা :
খাৰঘুলি, উন্নয়ন সমিতিৰ বিপৰীতে
গৃহ নং - ১০১
গুৱাহাটী-০৪
ভ্ৰাম্যভাষ-৬৯০১৮৫৬০৮৫
