অৰুণ গগৈ
আবেলি বিয়লি বগলী
বিলৰ পাৰত পৰে
পানীৰ মাজৰ পুঠিমাছ
থাপ মাৰি ধৰে ৷
বহলাই বহে বৰপথাৰত
দাঙি এটা ঠেং
মুখৰ আগত পালেই খায়
সৰু সৰু বেং ৷
শুকুলা পাখি শুৱনি দেখি
আৰু দীঘল ঠোঁট
কোনেনো বাৰু বগলী বাইক
দিলে বগা ফোঁট !
দ-পথাৰত মিটিং পাতে
বাঁহৰ আগত ঘৰ
পুৱা হ’লে মাছ বিচাৰি
বিললৈ মাৰে লৰ ৷
ডেউকা কোবাই বেগাই
উৰে জাক পাতি
দিনৰ দিনটো ফুৰি-চাকি
শুই থাকে ৰাতি ৷
ঠিকনা :
মৰিয়নী, যোৰহাট
ভ্ৰাম্যভাষ : ৯৭০৭৩৯০৫৪০
