অনসূয়া বৰঠাকুৰ
১ + ১ = ২ (একে একে দুই)
আপডাল কৰিছানে গছপুলি ৰুই?
১ + ২ = ৩ (একে দুয়ে তিনি)
ৰামানুজনকনো কোনে নাপায় চিনি!
১ + ৩ = ৪ (একে তিনিয়ে
চাৰি)
ঘৰত আছেনে শাক-পাচলিৰ বাৰী?
১ + ৪ = ৫ (একে চাৰিয়ে
পাঁচ)
বিহু আহি পালেহি, কঁকাল ঘূৰাই নাচ।
১ + ৫ = ৬ (একে পাঁচে ছয়)
সত্যৰ জয় বুলি জ্ঞানীলোকে কয়।
১ + ৬ = ৭ (একে ছয়ে সাত)
নিমপাততকৈও তিতা কৰ্কশ মাত।
১ + ৭ = ৮ (একে সাতে আঠ
দুয়োবেলা মনপুতি নিতে পঢ়া পাঠ।
১ + ৮ = ৯ (একে আঠে ন)
গণিতলৈ কোনে, কিমান ভয় কৰ ক।
১ + ৯ = ১০ (একে নয়ে দহ)
সোনকালে শেষ কৰি ‘২’-ৰ ভাগ পঢ়।
১ + ১০ = ১১ (একে দহে এঘাৰ)
‘দহ’টো লিখি কিয় বাৰে বাৰে মোহাৰ?
জ’ৰথাং, দক্ষিণ ছিকিম
ভ্ৰাম্যভাষ : ৯৪৩৫৫০৮৭৬৫
