অৰুণ গগৈ
আঘোণ মাহত সোণালী সাজত
পথাৰ উপচি পৰে
চহাৰ প্ৰাণত সৰল মনত
সুখৰ মুকুতা সৰে ৷
সোণালী ধাননি শুৱনি দাৱনী
ভৰি পৰিছে পথাৰ
খোজত নাচিছে ছন্দত হালিছে
জোনবিৰীয়াৰ ভাৰ ৷
ধানৰ মাজত পাতৰ আঁৰত
বতাচৰাইৰ মাত
ডেউকা কোবাই উৰিছে বেগাই
কঁপিছে ধানৰ পাত ৷
সোণালী পথাৰ হেঁপাহ হেজাৰ
দাৱনীৰ কথাৰ মেলা
লৱৰি ঢাপৰি লেচেৰি বিচাৰি
সমনীয়াই কৰে খেলা ৷
ভৰিছে ভঁৰাল নাই আহুকাল
সুখৰ নিজৰা বয়
আঘোণ মাহত গাঁৱৰ ঘৰত
ন-খোৱা আৰম্ভ হয় ৷
ঠিকনা:
গাঁও: মৰিয়নী নগাঁও
ডাক : নাগাজাংকা
জিলা : যোৰহাট
ডাক সূচাংক : ৭৮৫৬৩৪
ভ্ৰাম্যভাষ : ৯৭০৭৩৯০৫৪০
